Restos Castreños |
|
||
|
N o concello de San
Xoán de Río, e máis concreto, no pobo de Mouruás, situado na carretera que
comunica O Campo coa
OU-536, atopámonos cun lugar, denominado Pena dos
Castros. Atópase na marxe esquerda da carretera unha vez rebasado o
pobo. Dentro de esa mesma área atopamos unha pequena zona
denominada Aira dos Mouros, na que existe unha pequena roca
cunha serie de escalóns gravados de forma artificial. Na súa parte superior,
segundo conta unha lenda, existe unha ferradura gravada, pertencente ó cabalo
de Santiago, cando, en épocas antigas acudiu a estas zonas en axuda dos
cristiáns nas súas loitas contra os musulmáns. En conmemoración de estas, ata
hai poucos anos víñase celebrando o 25 de Xullo, una Batalla de
Mouros e Cristiáns, que tiña como protagonistas os propios veciños
de Mouruás. Tamén nese pobo, no ano 1968 atopouse unha espada pistiliforme
pertencente á Idade de Bronce Final, descrita noutro apartado. Antes de comezar coa descrpción da área do castro,
supuestamente aquí ubicado, cabe mencionar o achazgo dunha roca de pequenas
dimensións (aproximadamente 3m por 1.5m) plana na súa parte superior na que
se pode observar a existencia de dous orificios de diferente tamaño, con unha
circunferencia moi regular. Estes orificios poden encadrarse dentro da
denominación de Cazoletas, cronolóxicamente datadas en época
megalítica. Acerca do seu significado existen numerosas hipóteses, aunque, a
ausencia de un contexto claro que avale algunha delas non permite decantarse
por ningunha. En canto á Área Castreña, decir que a súa ubicación por
a vertente Oeste, Norte e Sur non destaca en gran medida co resto da paisaxe;
En cambio, polo seu costado Este prodúcese un corte na orografía no traxecto
que descende car o río Navea. A súa extensión é grande, con uns 100m de largo
por 70m de ancho. Na parte Este pódense observar restos de murallas, que
aproveitan a existencia de rocas de gran tamaño para empotrarse nelas.
Asimesmo podemos observar nesa mesma vertente unha construcción en terrazas
no descenso cara o río Navea. |
|
|